CEIP de Figueiroa

      O Ceip de Figueiroa foi seleccionado polo Ministerio de Educación, Cultura e Deporte para participar no Programa de Inmersión Lingüística  a desenvolver no outono de 2013, de acordo co establecido na Resolución de 27 de agosto de 2013, da Secretaría de Estado de Educación, Formación Profesional e Universidades, pola que se adxudican as axudas destinadas a alumnos de Sexto de Educación Primaria e Segundo Curso de Educación Secundaria.

       En total foron seleccionados 16 CEIPs na Comunidade Auntónoma de Galicia, adxudicándoselle ao noso centro a 8ª quenda no Albergue de Ezcaray (La Rioja) a desenvolver entre o 17 e o 23 de novembro.

      Neste Programa de Inmersión Lingüística participarán 25 alumnos e alumnos e as dúas mestras que imparten a área de lingua estranxeira. Esta actividade, cofinanciada pola Consellería de Cultura, Educación e Orientación Universitaria, será gratuita para os alumnos, agás o desprazamento no caso de que o custo do mesmo sexa superior á cantidade que aporta a Consellería (2.500€).

      Este é o segundo ano no que o centro participa neste programa de Inmersión Lingüística que ten como obxectivo de promover a convivencia entre alumnos e alumnas de distintas comunidades autónomas e estimulando a práctica do idioma estranxeiro e a súa utilización en contextos comunicativos máis amplos que os que permite o centro escolar.